Latest Posts

నవోదయ విద్యాలయాల్లో 6వ తరగతి అడ్మిషన్లకు ప్రకటన

 

నవోదయ విద్యాలయాల్లో 6వ తరగతి అడ్మిషన్లకు ప్రకటన విడుదల.. మీకుపూర్తి వివరాలు:
2023-24 విద్యాసంవత్సరాకి గాను దేశవ్యాప్తంగా 649 జవహర్‌ నవోదయ విద్యాలయ (JNV)లో 6వ తరగతిలో ప్రవేశాలకు సంబంధించి జవహర్ నవోదయ విద్యాలయ ఎంపిక పరీక్ష- 2023 ప్రకటన విడుదల చేసింది.
ప్రధానాంశాలు:
• జవహర్ నవోదయ విద్యాలయ ఎంపిక పరీక్ష-2023
• 6 వ తరగతిలో ప్రవేశాలకు నోటిఫికేషన్‌ విడుదల
• జనవరి 31 దరఖాస్తులకు చివరితేది

NVS Class 6 Admission 2023: నవోదయ విద్యాలయాల్లో 6వ తరగతి ప్రవేశాలకు నోటిఫికేషన్‌ విడుదలైంది. 2023-24 విద్యాసంవత్సరాకి గాను దేశవ్యాప్తంగా 649 జవహర్‌ నవోదయ విద్యాలయ (JNV)లో 6వ తరగతిలో ప్రవేశాలకు సంబంధించి జవహర్ నవోదయ విద్యాలయ ఎంపిక పరీక్ష- 2023 ప్రకటన విడుదల చేసింది. దరఖాస్తుకు జనవరి 31వరకు ఆన్‌లైన్‌లో అవకాశం కల్పించింది. ఆంధ్రప్రదేశ్‌లో 15, తెలంగాణలో 9 జేఎన్‌వీలు ఉన్నాయి. వీటన్నింటిలో దాదాపు 48 వేల వరకు సీట్లు అందుబాటులో ఉన్నాయి.
ఒక్కో నవోదయ విద్యాలయంలో గరిష్ఠంగా 80 మంది విద్యార్థులకు ఆరో తరగతిలో ప్రవేశం కల్పిస్తారు. ఏటా నిర్వహించే ప్రవేశ పరీక్ష ద్వారా విద్యార్థులను ఎంపిక చేస్తారు. ప్రవేశ పరీక్ష ద్వారా ఎంపికైన విద్యార్థులకు 6వ తరగతి నుంచి 12వ తరగతి వరకు ఉచిత విద్య అందిస్తారు. బాలబాలికలకు వేర్వేరుగా వసతి, విద్య సదుపాయాలుంటాయి.

జవహర్ నవోదయ విద్యాలయఎంపిక పరీక్ష-2023 :

• అర్హత: ప్రవేశానికి అర్హత పొందాలంటే విద్యార్థి తప్పనిసరిగా జవహర్ నవోదయ విద్యాలయం ఉన్న సంబంధిత జిల్లాల్లో నివాసి అయి ఉండాలి. విద్యార్థులు 2022-23 విద్యా సంవత్సరంలో ఆయా జిల్లాల్లోని ప్రభుత్వ, ప్రభుత్వ గుర్తింపు పొందిన స్కూళ్లలో 5వ తరగతి చదువుతుండాలి. గ్రామీణ ప్రాంతాల విద్యార్థులకు 75 శాతం సీట్లు కేటాయించారు. వారు 3, 4, 5 తరగతులు గ్రామీణ ప్రాంత స్కూళ్లలోనే చదివి ఉండాలి. మిగిలిన 25శాతం సీట్లు పట్టణ ప్రాంత విద్యార్థులకు కేటాయించారు.
• వయసు: దరఖాస్తు చేసుకునే విద్యార్థులు 1.5.2011 నుంచి 30.4.2013 మధ్యలో జన్మించిన వారై ఉండాలి.
• ప్రవేశ పరీక్ష: మొత్తం 100 మార్కులకు ప్రవేశ పరీక్ష నిర్వహిస్తారు. పరీక్షలో మూడు సెక్షన్ల నుంచి 80 ప్రశ్నలు ఉంటాయి. ఆబ్జెక్టివ్‌ విధానంలోనే ప్రశ్నలు అడుగుతారు. తెలుగు, హిందీ, ఇంగ్లిష్‌తో పాటు అన్ని ప్రాంతీయ భాషల్లో పరీక్ష రాయొచ్చు పరీక్ష సమయం 2 గంటలు. నెగిటివ్‌ మార్కులు లేవు.
• సెక్షన్‌-1లో మెంటల్‌ ఎబిలిటీ టెస్ట్ (MAT) నుంచి 40 ప్రశ్నలు ఉంటాయి. మొత్తం 50 మార్కులు ఉంటాయి. దీనికి ఒక గంట సమయం కేటాయించారు. ఈ సెక్షన్‌లో మొత్తం 10 విభాగాలుంటాయి. ఒక్కో దాంట్లో నాలుగేసి చొప్పున ప్రశ్నలు అడుగుతారు.
• సెక్షన్‌-2లో అరిథ్‌మెటిక్ నుంచి 20 ప్రశ్నలు అడుగుతారు. 30 నిమిషాల్లో ఈ సెక్షన్ పూర్తిచేయాల్సి ఉంటుంది.
• సెక్షన్‌-3 అనేది లాంగ్వేజ్‌ టెస్ట్‌. ఇందులో 20 ప్రశ్నలు ఉంటాయి. పరీక్ష వ్యవధి 30 నిమిషాలు. లాంగ్వేజ్‌ టెస్టులో పాసేజ్‌ ఇచ్చి, ప్రశ్నలకు సమాధానాలు రాయమంటారు. విద్యార్థులు పాసేజ్‌ అర్థం చేసుకున్నారో లేదో తెలుసుకునేలా ఈ ప్రశ్నలు వస్తాయి. ప్రతి పాసేజ్‌ కింద అయిదేసి ప్రశ్నల చొప్పున నాలుగు పాసేజ్‌లు ఉంటాయి.
• దరఖాస్తు విధానం: ఆన్‌లైన్‌లో జేఎన్‌వీ అధికారిక వైబ్‌సైట్‌ ద్వారా దరఖాస్తు చేసుకోవచ్చు. ఆన్‌లైన్‌లో దరఖాస్తు చేసుకొనేందుకు అభ్యర్థులు నిర్ణీత ఫార్మాట్‌లో అభ్యర్థి వివరాలను పేర్కొంటూ పాఠశాల ప్రధానోపాధ్యాయుడు ధ్రువీకరించిన సర్టిఫికెట్‌ సాఫ్ట్‌ కాపీని అప్‌లోడ్‌ చేయడం తప్పనిసరిని. దీంతో పాటు అభ్యర్థి ఫొటో, అభ్యర్థి, తల్లిదండ్రుల సంతకాలు, ఆధార్‌ వివరాలు/ నివాస ధ్రువపత్రాల అవసరం ఉంటుంది.
ఎంపిక ప్రక్రియ: ప్రవేశ పరీక్ష ఆధారంగా సీటు కేటాయిస్తారు.

ముఖ్యమైన తేదీలు

• దరఖాస్తులకు చివరి తేదీ: జనవరి 31, 2023
• ప్రవేశ పరీక్ష తేదీ: 2023 ఏప్రిల్‌ 29వ తేదీ ఉదయం 11.30 గంటలకు సంబంధిత జిల్లాలో ఎంపిక చేసిన అన్ని కేంద్రాలలో పరీక్ష నిర్వహిస్తారు.
• ఫలితాల వెల్లడి: 2023, జూన్‌లో ఫలితాలు విడుదలవుతాయి.
• పూర్తి వివరాలకు వెబ్‌సైట్‌:https://navodaya.gov.in

Latest Posts

Don't Miss