Latest Posts

సంతానం కలగలేదని భార్య కాళ్లు చేతులు విరిచేసిన భర్త

సంతానం కలగలేదని భార్య కాళ్లు చేతులు విరిచేశాడు..సమాజంలో మానవ విలువలు రోజురోజుకు పడిపోతున్నాయి. చిన్నచిన్న కారణాలకే కోపం పెంచుకుని తీవ్రంగా ప్రవర్తిస్తున్నారు. కట్టుకున్న వాళ్లు, తోడ బుట్టినవాళ్లు, రక్తం పంచుకు పుట్టిన వాళ్లు.. అనే రక్త సంబంధాలకు విలువ లేకుండా చేస్తున్నారు. తమకు నచ్చకుంటే చాలు.. ఎలాంటి పని చేసేందుకైనా వెనుకాడటం లేదు. కొన్ని సార్లు ప్రాణాలు కూడా తీసేస్తున్నారు. ప్రస్తుతం ఆంధ్రప్రదేశ్ లోని కర్నూలు జిల్లాలో ఇలాంటి ఘటనే జరిగింది. సంతానం కలగడం లేదనే కారణంతో ఓ వ్యక్తి.. తన భార్య పట్ల క్రూరంగా ప్రవర్తించాడు. తీవ్రంగా కొట్టడంతో పాటు కాళ్లు, చేతులు విరిచేశాడు. ప్రస్తుతం ఆమె పరిస్థితి విషమంగా ఉంది. కర్నూలు జిల్లా పత్తికొండ మండలం చందోలి గ్రామానికి చెందిన లాలప్ప, ఆదిలక్ష్మిల దంపతులకు ఓ కుమార్తె సంతానం. ఆమెను డోన్‌ మండలం చనుగొండ్ల గ్రామానికి చెందిన రాముకు ఇచ్చి మూడేళ్ల క్రితం వివాహం చేశారు. అయితే.. పెళ్లి అయినప్పటి నుంచి తమ కుమార్తెను అత్తింటివారు వేధింపులకు గురి చేశారని బాధితురాలి తల్లిదండ్రులు ఆరోపించారు.సంతానం కలగలేదనే కారణంతో.. భర్త, అత్తింటి వారు చిత్రహింసలకు గురిచేస్తున్నారని ఆవేదన వ్యక్తం చేశారు. అంతే కాకుండా విచక్షణారహితంగా కొట్టి, కాలు, చేయి విరగ్గొట్టారని కన్నీటిపర్యంతమయ్యారు. చుట్టుపక్కల వారి నుంచి తమకు సమాచారం రావడంతో.. వెంటనే ఆ ఊరికి వెళ్లి తమ కుమార్తెను ఆస్పత్రిలో చేర్చామన్నారు. పత్తికొండ ప్రభుత్వ ఆసుపత్రిలో చికిత్స అందించినా ఆరోగ్యం మెరుగుపడలేదని, పరిస్థితి విషమంగా ఉండటంతో కర్నూలుకు తీసుకెళ్లారు. ఈ ఘటనపై కేసు మోదు చేసుకుని.. బాధ్యులపై కఠినమైన చర్యలు తీసుకోవాలని కోరారు

Latest Posts

Don't Miss