Revenge: కోర్టు బయట గ్యాంగ్ స్టర్ ను లేపేశారు, కోర్టు విచారణకు హాజరైన దాదాకు గేట్ పాస్ !

జైపూర్/ రాజస్థాన్: హత్యలు, హత్యాయత్నాలతో పాటు పలు క్రిమినల్ కేసుల్లో అతని మీద పోలీసులు కేసులు నమోదు చేశారు. పలు కేసుల్లో ఆరోపణలు ఎదుర్కొంటున్న అతని పేరు రౌడీషీటర్ జాబితాలో చేరడంతో పాటు గ్యాంగ్ స్టర్ గా ఎదిగిపోయాడు. కోర్టు విచారణకు హాజరైన ఆ గ్యాంగ్ స్టర్ ను పక్కాప్లాన్ తో హత్య చెయ్యడం కలకలం రేపింది.

రాజస్థాన్ లోని నాగౌర్ జిల్లాలో సందీప్ సేథి అనే వ్యక్తి నివాసం ఉంటున్నాడు. సందీప్ సేథీ మీద పలు హత్యలు, హత్యాయత్నాలతో పాటు పలు క్రిమినల్ కేసుల్లో అతని మీద పోలీసులు కేసులు నమోదు చేశారు. సందీప్ సేథీని అరెస్టు చేసిన పోలీసులు జైలుకు పంపించారు. చాలాకాలం పాటు జైలు జీవితం గడిపిన సందీప్ సేథీ బెయిల్ మీద మూడు రోజుల క్రితమే బయటకు వచ్చాడు.

బెయిల్ మీద బయటకు వచ్చిన గ్యాంగ్ స్టర్ సందీప్ సేథీ సోమవారం నౌగర్ జిల్లా కోర్టు ముందు విచారణకు హాజరుకావడానికి వెళ్లాడు. కోర్టు విచారణకు హాజరైన సందీప్ సేథీ అతని అనుచరులతో కలిసి బయటకు వచ్చాడు. ఆ సందర్బంలో బైక్ ల్లో వెళ్లిన గుర్తు తెలియని వ్యక్తులు గ్యాంగ్ స్టర్ సందీప్ సేథీ మీద కాల్పులు జరిపారు.

ప్రత్యర్థులు జరిపిన కాల్పుల్లో సందీప్ సేథీతొ పాటు అతని ఇద్దరు బాడీగార్డ్స్, ఇద్దరు అనుచరులకు బుల్టెట్ గాయాలైనాయి. ఈ దాడిలో గ్యాంగ్ స్టర్ సందీప్ సేథీ ప్రాణాలు గాలిలో కలిసిపోయాయి. సందీప్ సేథీ బాడీగార్డ్స్ తో పాటు మరో ఇద్దరికి తీవ్రగాయాలు కావడంతో వారిని జైపూర్ లోని ఆసుపత్రికి తరలించారు. పట్టపగలు కోర్టు సమీపంలో గ్యాంగ్ స్టర్ సందీప్ సౌదీని దారుణంగా హత్య చెయ్యడం రాజస్థాన్ లో కలకలం రేపింది.