Latest Posts

Tulasi Benefits: మీ ఇంట్లో తులసి ఉందా.. అయితే మీకు మెడిసిన్స్ అవసరం తక్కువే..!

తులసి చెట్టును హిందువులు పవిత్రంగా భావిస్తారు. అయితే ఈ తులసికి పవిత్రతోపాటు అనేక ఔషధ గుణాలు ఉన్నాయి. దీని శాస్త్రీయ నామం ఓసిమం టెన్యూఫ్లోరం. తులసిలో రెండు జాతులున్నాయి. ముదురు రంగులో ఉండే జాతిని కృష్ణ తులసి అనీ, కొంచెం లేత రంగులో ఉండేదానిని రామతులసి అని అంటారు. తులసి ఆకు, తులసి నీరుతో అనే లాభాలు ఉన్నాయట.

తులసిని తీసుకోవడం వల్ల జలుబు, దగ్గు నుంచి ఉపశమనం పొందడమే కాకుండా జీర్ణ సమస్యల నుంచి కూడా ఉపశమనం లభిస్తుందని నిపుణులు చెబుతున్నారు. ఈ తులసి నీటిని రోజూ ఖాళీ కడుపుతో తాగడం వల్ల అనేక ప్రయోజనాలు ఉన్నాయట. తులసి ఆకులను రోజూ తింటే శరీరం శుభ్రంగా ఉంటుంది. అలాగే తులసి శరీర ఉష్ణోగ్రతను అదుపులో ఉంచుతుంది.

అందుకే తులసి ఆకుల రసం ఆయుర్వేదంలోనూ, ఇంటి వైద్యం చిట్కాలలోనూ విస్తృతంగా వాడుతుంటారు. తలనొప్పి, పొట్టకు సంబంధించిన వ్యాధులు, వాపులు, గుండె జబ్బులు, విషాహారాలు, మలేరియా వంటి చాలా రకాల రుగ్మతలను నయం చేయడానికి తులసిని వాడుతారు. శరీరంలో కొవ్వు పదార్థాలు పేరుకుపోకుండా తులసి అడ్డుకుంటుందట.

చిన్నపిల్లల్లో సర్వసాధారణంగా కనిపించే దగ్గు, జలుబు, జ్వరం, డయేరియా, వాంతులు వంటి సమస్యలకు తులసి ఆకుల రసాన్ని తాగిస్తే మంచి ఉపశమనం కనిపిస్తుందట.తులసి ఆకులు, పసుపు పొడితో నీటిని మరిగించి, వర్షాకాలంలో తాగడం వల్ల రోగనిరోధక శక్తి పెరుగుతుంది రోజూ ఖాళీ కడుపుతో తులసిని తీసుకోవడం వల్ల కడుపు నొప్పి ఉపశమనం లభిస్తుంది.

మధుమేహ వ్యాధిగ్రస్తులకు తులసి నీరు చాలా మంచిది. ఎందుకంటే తులసి నీటిని తాగడం వల్ల రక్తంలో చక్కెర స్థాయిలు అదుపులో ఉంటాయి. రోజూ తులసి నీటిని తాగడం వల్ల శరీరంలోని మూలల్లోని టాక్సిన్స్ బయటకు వెళ్లి రోగనిరోధక శక్తిని బలోపేతం చేస్తుందట. మీరు మీ శరీరాన్ని శుభ్రంగా ఉంచుకోవాలంటే, తులసి నీరు మీకు చాలా సహాయపడుతుందని నిపుణులు చెబుతున్నారు.

Latest Posts

Don't Miss