Latest Posts

ఐఫోన్ 14 సిరీస్ వ‌చ్చేసింది – ధర విషయంలో జాగ్రత్త పడ్డ యాపిల్ – మనదేశంలో ఎంతంటే?

ఐఫోన్ 14, ఐఫోన్ 14 ప్రో సిరీస్ ను యాపిల్ అధికారికంగా లాంచ్ చేసింది. ఈ సిరీస్ లో ఐఫోన్ 14 ప్లస్, ఐఫోన్ 14, ఐఫోన్ 14 ప్రో, ఐఫోన్ 14 ప్రో మ్యాక్స్ ఫోన్లు ఉన్నాయి. ఐఫోన్ 13 సిరీస్ కంటే మెరుగైన బ్యాట‌రీ లైఫ్, మంచి కెమెరాలతో ఈ ఫోన్లు లాంచ్ అయ్యాయి. ఐఫోన్ 14, 14 ప్లస్‌ల్లో ఏ15 బయోనిక్ చిప్, ఐఫోన్ 14 ప్రో, ఐఫోన్ 14 ప్రో మ్యాక్స్‌ల్లో ఏ16 బయోనిక్ చిప్‌ను అందించారు.

ఐఫోన్ 14 ధ‌రఐఫోన్ 14 ధర మనదేశంలో రూ.79,900 నుంచి ప్రారంభం కానుంది. మిగతా వేరియంట్ల ధర ఇంకా తెలియరాలేదు. దీని సేల్ సెప్టెంబర్ 16వ తేదీ నుంచి ప్రారంభం కానుంది. ఐఫోన్ 13 తరహాలోనే దీని ధర కూడా ఉంది. మరీ ఎక్కువగా పెట్టకుండా యాపిల్ జాగ్రత్త పడింది.

ఐఫోన్ 14 ప్లస్ ధ‌ర‌దీని ప్రారంభ వేరియంట్ ధరను మనదేశంలో రూ.89,900గా నిర్ణయించారు. ఇందులో కూడా మిగతా వేరియంట్ల ధర తెలియాల్సి ఉంది. దీనికి సంబంధించిన సేల్ అక్టోబర్ 7వ తేదీ నుంచి ప్రారంభం కానుంది.

ఐఫోన్ 14 ప్రో ధ‌ర‌ఇక ఐఫోన్ 14 ప్రో ప్రారంభ ధర మనదేశంలో రూ.1,29,990గా ఉంది. వీటికి సంబంధించిన సేల్ కూడా సెప్లెంబర్ 16వ తేదీ నుంచే ప్రారంభం కానున్నాయి.

ఐఫోన్ 14 ప్రో మ్యాక్స్ ధ‌ర‌దీని ప్రారంభ వేరియంట్ ధర రూ.1,39,990గా ఉంది. 128 జీబీ నుంచి 1 టీబీ వరకు వేర్వేరు వేరియంట్లు ఇందులో ఉండనున్నాయి. దీని సేల్ సెప్టెంబర్ 16వ తేదీ నుంచి ప్రారంభం కానుంది.

ఐఫోన్ 14 స్పెసిఫికేషన్లుఇందులో 6.1 అంగుళాల సూపర్ రెటీనా ఎక్స్‌డీఆర్ ఓఎల్ఈడీ డిస్‌ప్లేను అందించారు. 1200 నిట్స్ పీక్ బ్రైట్‌నెస్‌ను ఇది అందించనుంది. గత సంవత్సరం మోడల్లో అందించిన ఏ15 బయోనిక్ చిప్‌నే ఇందులో కూడా అందించారు. ఫేస్ ఐడీ టెక్నాలజీ ద్వారా ఫోన్‌ను అన్‌లాక్ చేయవచ్చు.

దీని బ్యాటరీ, ర్యామ్ వివరాలను యాపిల్ అధికారికంగా ప్రకటించలేదు. అయితే థర్డ్ పార్టీ టియర్ డౌన్ వీడియోల ద్వారా కొన్ని వారాల్లోనే దీని వివరాలు తెలుసుకోవచ్చు. ఇక కెమెరాల విషయానికి వస్తే ఐఫోన్ 14లో 12 మెగాపిక్సెల్ వైడ్ యాంగిల్ కెమెరాను అందించారు. మెరుగైన స్టెబిలైజేషన్ ఫీచర్ కూడా ఉంది. దీన్ని యాక్షన్ మోడ్ అంటారు. లో లైట్ పెర్ఫార్మెన్స్ కూడా ఈ ఫోన్ మెరుగ్గా చేయనుంది.

ఐఫోన్ 14 ప్లస్ స్పెసిఫికేషన్లుఐఫోన్ 14 ప్లస్ ఫీచర్లు కూడా దాదాపుగా ఐఫోన్ 14 తరహాలోనే ఉన్నాయి. ఇందులో 6.7 అంగుళాల ఓఎల్ఈడీ డిస్‌ప్లే ఉంది. ఐఫోన్ 14 కంటే మెరుగైన బ్యాటరీ బ్యాకప్‌ను ఇది అందించనుంది. కెమెరాలు మాత్రం ఐఫోన్ 14 తరహాలోనే ఉన్నాయి.

ఐఫోన్ 14 ప్రో స్పెసిఫికేషన్లుఇక ప్రో మోడల్స్ విషయానికి వస్తే… వీటిలో సర్జికల్ గ్రేడ్ స్టెయిన్‌లెస్ స్టీల్‌ను అందించారు. ఐఫోన్ 14 ప్రోలో 6.1 అంగుళాల సూపర్ రెటీనా ఎక్స్‌డీఆర్ డిస్‌ప్లేను అందించారు. 120 హెర్ట్జ్ రిఫ్రెష్ రేట్ ఫీచర్ కూడా ఉంది. ఫోన్ ముందువైపు పిల్ ఆకారంలో ఉన్న హోల్ పంచ్ కటౌట్‌ను యాపిల్ అందించింది. దీనికి డైనమిక్ ఐల్యాండ్ అని పేరు పెట్టారు. యాపిల్ ఏ16 బయోనిక్ ప్రాసెసర్‌పై ఈ ఫోన్ పనిచేయనుంది. ఇక కెమెరాల విషయానికి వస్తే… ఇందులో మోస్ట్ పవర్‌ఫుల్ 48 మెగాపిక్సెల్ కెమెరాను ప్రధాన కెమెరా అందించారు.

ఐఫోన్ 14 ప్రో మ్యాక్స్ స్పెసిఫికేషన్లుదీని ఫీచర్లు కూడా దాదాపుగా ఐఫోన్ 14 ప్రో తరహాలోనే ఉన్నాయి. ఇందులో పెద్ద డిస్‌ప్లేను అందించారు. దీని డిస్‌ప్లే సైజు 6.7 అంగుళాలుగా ఉంది. ప్రో మోషన్ 120 హెర్ట్జ్ రిఫ్రెష్ రేట్ ఫీచర్ కూడా ఈ ఫోన్‌లో ఉంది.

Also Read: Apple Watch Series 8: యాపిల్ బెస్ట్ వాచ్ వచ్చేసింది – మనదేశంలో ధర ఎంతో తెలుసా?

Latest Posts

Don't Miss